مرسي ميتر!

100 يوم مرت من 100 يوم

الوعود الجاري تنفيذها : 24 من أصل 54

الوعود التي تحققت : 10 من أصل 64

نسبة رضى الناس على ما تم تنفيذه حتى الآن 39%

39%
61%

هذه محاولة لتوثيق ومراقبة أداء الرئيس المصري المنتخب محمد مرسي وفيها سيتم مراقبة ماتم انجازه وفق ما أقرّه د.محمد مرسي في برنامجه أول مائة يوم.

تقرير موقع مرسي ميتر عن اداء الرئيس متاح الآن.

شاهد التقرير | حمل التقرير


اسئلة متكررة FAQ


يعني ايه مرسي ميتر؟
مرسي ميتر هي محاولة لتوثيق ومراقبة أداء الرئيس المصري المنتخب محمد مرسي وفيها سيتم مراقبة ماتم انجازه وفق ما أقرّه د.محمد مرسي في برنامجه أول مائة يوم.
وانتوا مين؟
احنا مجموعة من الشباب لا ننتمي لتيار سياسي محدد أو أيديلوجية معينة، بدأنا السنة اللي فاتت مشروع ظبطك بهدف تمكين المواطن من معرفة أماكن الفساد والجرائم حواليه.
يعني انتوا مش إخوان؟
لأ
طب الريس بيعمل حاجات كتير بس مبنشوفهاش عندكوا! فين المصداقية؟
مرسي ميتر يراقب التحركات في الخمس ملفات فقط التي وردت في برنامج الرئيس أول ١٠٠ يوم وفقاً للبنود التي أقرها بنفسه
طب وهتراقبوا ازاي ان شاء الله؟
احنا شغالين على محورين :
  • وسائل الإعلام هي المصدر الرئيسي للمتابعة، ومنها نرصد ماله علاقة بالبنود المعلنة، فضلاً عن ما يصدر عن مؤسسة الرئاسة من تصريحات أو بيانات توضح تحركاتها.
  • ورصد رضاء الناس عما تم بالفعل على الأرض ومدى انعاكسه على حياتهم
طب أنا لما بفتح السايت بشوف عدادات دول ايه؟
  • ١ - عدد الأيام اللي مرت منذ قسم الرئيس.
  • ٢- الوعود الجاري تنفيذها (لونها أصفر)
  • ٣- ماتحقق بالفعل(لونها أخضر)
مفيش حاجة اسمها جاري تنفيذها .. فيه حاجات اتحققت و حاجات متحققتش .. دة تضليل للناس لما تشوف كل البرنامج باللون ؟الاصفر يا فرحتي
اللون الأصفر مش معناه انجاز، ولكن معناه تحرك مبدأي (شفهي- خطوات مبدأية- تحركات جزئية) تجاه بند معين وده ضروري لرصد التطور.
طب وازاي البنود هتتغير من جاري تنفيذها لتم تحقيقها؟
لازم يكون فيه أكتر من مصدر يقول ان فيه حاجات اتنفذت علشان تنتقل من جاري تنفيذها لتم تحقيقها وبالتالي نضمن قدر أكبر من الشفافية
يعني لو اتعلم على النظافة تم تحقيقها ده معناه ان خلاص البلد نضفت؟
لأـ ده معناه فقط ان فيه أكتر من مصدر قال ان البنود اللي الرئيس أقرها في ملف النظافة تم تحقيقها.
طب بتحسبوا رضا الناس وبتقيموه ازاي؟
طريقة التقييم
الموقع يستقبل تقييم المستخدم ويعطى لكل رائى قيمه كالاتى:
  • لا. لا يوجد تحسن حتى الآن يتعنى ان التقييم 0 من 10
  • نعم, تحسن بسيط تعنى ان التقييم 2.5 من 10
  • نعم, تحسن كبير تعنى ان التقييم 7.5 من 10
  • نعم, تم حل المشكلة تعنى ان التقييم 10 من 10
  • وبالتالى لو 4 مستخدمين قاموا بابداء الرائى بحيث واحد اختار (لا يوجد تحسن حتى الآن ) و اتنين اختارا (تحسن بسيط) و واحد اختار (تحسن كبير) فان نتيجه التصويت تحسب كالاتى:
    (0 +2.5 + 2.5 + 7.5) = 12.5 ثم يتم القسمه على 40 (قيمه الرضى القصوى للمستخدم) لنعطى نسبه رضاء الناس = 40 / 12.5 = 31%

قول رأيك؟

comments powered by Disqus